香港新浪網 MySinaBlog
« 上一篇 | 下一篇 »
Littlebone | 2007-07-13, 23:41 | 一般 | (168 Reads)

Picture

今日去咗跑馬地工作,係銅鑼灣跳上叮叮,企係下層最後的門口位望街,看著銅鑼灣人多車多,樓上鋪仲多,三、四樓都有露天茶座,大熱天時行三、四層樓!真係唔明點解樓上鋪可以生存到!如果自己有間鋪係離島可以舒舒服服咁睇鋪,你話幾咁「正」!!睇得入神,想得入神,突然街上一名男子大叫我個名〈好似自己係花車巡遊的主角,途人都為我歡呼!〉,叫咗兩聲我先聽到,原來諗嘢真係可以好入神,好似發夢咁,係發咗個白日夢!呢名男子係我多年無見的一位「生果日報」攝影師,哈!好好笑,突然覺得有人走咗入我個夢,又好似有人係我個夢中叫醒我!同佢笑咗一笑就唔見咗人!醒晒!突然諗起我要影番張相,因為呢部電車係我第一次見樓梯係咗邊!影完又諗起年幾前英國大笨巴功成身退,好彩我都坐過幾次!不過我覺得電車「正」好多,好彩我地仲有電車!叮多幾叮都係兩蚊雞!夏日炎炎正好眠,五分鐘車程企定定都發到夢!人生真係一個勁大的夢!


[1]

我真係未見過係左邊上上層的電車喎...


[引用] | 作者 edd | 2007-07-17 15:46 | [舉報垃圾留言]